پنجاب کابینہ نے گندم کی خریداری اور دیگر امور پر پالیسی سازی کے لیے وزارتی کمیٹی تشکیل دینے کا فیصلہ کیا ہے۔

اس حوالے سے فیصلہ صوبائی کابینہ کے اجلاس میں کیا گیا جو آج لاہور میں وزیراعلیٰ مریم نواز کی زیر صدارت منعقد ہوا۔

کمیٹی کی سربراہی صوبائی وزیر خوراک جبکہ وزیر خزانہ، زراعت اور اطلاعات اس کے رکن ہوں گے۔

کابینہ کے اجلاس سے خطاب کرتے ہوئے وزیر اعلیٰ نے زرعی ضروریات کی نشاندہی کے لیے مصنوعی ذہانت اور دیگر ٹیکنالوجیز کو بروئے کار لانے کی ہدایت کی۔

انہوں نے موٹر سائیکلوں کو حفاظتی شیلڈز سے لیس کرنے کی مہم شروع کرنے کی بھی ہدایت کی تاکہ لوگوں کو پتنگ کے تار سے بچایا جا سکے۔