بلوچستان حکومت نے کفایت شعاری کی قومی پالیسیوں کے نفاذ کے لیے سخت اقدامات متعارف کرائے ہیں۔ ان اقدامات میں دفتری اوقات کے بعد سرکاری گاڑیوں کے استعمال پر پابندی بھی شامل ہے۔
کوئٹہ میں ایک اجلاس کی صدارت کرتے ہوئے وزیراعلیٰ میر سرفراز بگٹی نے کہا کہ تمام سرکاری گاڑیوں کا جامع آڈٹ کیا جائے گا۔
اجلاس میں تمام سرکاری گاڑیوں کی نقل و حرکت پر نظر رکھنے کے لیے ٹریکرز لگانے کا بھی فیصلہ کیا گیا۔
