بلوچستان اسمبلی میں اپوزیشن ارکان کے ایک وفد نے میر یونس عزیز زہری کی قیادت میں آج کوئٹہ میں وزیراعلی میر سرفراز بگٹی سے ملاقات کی۔

ملاقات میں آئندہ مالی سال کے بجٹ اور مختلف ترقیاتی منصوبوں سمیت اہم پارلیمانی امور پر تبادلہ خیال کیا گیا۔

حکومت اور اپوزیشن دونوں نے پبلک سیکٹر ڈویلپمنٹ پروگرام کی ترجیحات کو عوام کی ضروریات کے ساتھ ہم آہنگ کرنے پر اتفاق کیا۔

وفد سے بات کرتے ہوئے وزیر اعلی نے اس بات پر زور دیا کہ عوامی مفاد میں تمام تعمیری تجاویز کا خیر مقدم کیا جائے گا۔

انہوں نے اپوزیشن کے مثبت اور ذمہ دارانہ کردار کو بھی سراہتے ہوئے کہا کہ قابل عمل اور منظور شدہ عوامی فلاحی اسکیموں کو پی ایس ڈی پی میں شامل کیا جائے گا۔