وزیر اعلی پنجاب مریم نواز شریف نے لاہور سمیت صوبے کے بڑے شہروں کو عالمی سطح پر انفارمیشن ٹیکنالوجی کے مرکز کے طور پر تبدیل کرنے کے عزم کا اظہار کیا ہے۔
اس عزم کا اظہار انہوں نے آج لاہور میں نواز شریف آئی ٹی سٹی پراجیکٹ پر پیش رفت کا جائزہ لینے کے لیے ایک خصوصی اجلاس کی صدارت کرتے ہوئے کیا۔
اجلاس میں آئی ٹی سٹی کی تعمیر کے لیے دنیا کی بہترین آرکیٹیکچرل کمپنیوں کی خدمات حاصل کرنے کی ہدایت کی گئی اور نواز شریف آئی ٹی سٹی میں بزنس کال سینٹرز کے لیے دو ٹاورز مختص کرنے کی تجویز کا جائزہ لیا گیا۔