وفاقی وزارت داخلہ نے صوبہ سندھ کے کچے کے علاقے کو ڈاکوئوں سے پاک کرنے کے لئے بھرپورقوت کے ساتھ مشترکہ کارروائی کرنے کافیصلہ کیاہے۔یہ فیصلہ اسلام آباد میں وزیرداخلہ محسن نقوی کی زیر صدارت نیشنل ایکشن پلان پر عملدرآمد کی جائزہ کمیٹی کے اعلیٰ سطح کے اجلاس میں کیاگیا۔اجلاس میں ملک بھرمیں پولیس کو جدیدٹیکنالوجی سے لیس کرنے پربھی تفصیلی غورکیاگیا۔اجلاس میںچینی باشندوں کی سکیورٹی سے متعلق اقدامات کابھی بغورجائزہ لیاگیا۔اجلاس سے خطاب کرتے ہوئے وزیرداخلہ محسن نقوی نے کہاکہ غیرملکی شہریوں کے تحفظ سے متعلق قواعد و ضوابط پرعملدرآمدمیں غفلت برتنے والے اہلکاروں کے خلاف سخت تادیبی کارروائی کی جائے گی۔
