اقلیتوں کے لئے قومی کمیشن کے قیام سے متعلق قومی اسمبلی میں ایک بل پیش کیاگیاہے۔رکن قومی اسمبلی ڈاکٹررمیش کماروانکوانی نے یہ بل ایوان میں پیش کیا۔اقلیتوں کے لئے مجوزہ قومی کمیشن تیس ارکان پرمشتمل ہوگا جس میں مختلف مذہبی گروپوں کی نمائندگی ہوگی۔کمیشن کاسربراہ اقلیتی برادری سے ہوگا۔ذرائع ابلاغ سے گفتگو کرتے ہوئے ڈاکٹررمیش کمارنے کہاکہ قومی اقلیتی کمیشن کے قیام کا مقصد آئین کے مطابق اقلیتوں کے حقوق کے تحفظ کو یقینی بناناہے۔مجوزہ کمیشن کامرکزی دفتراسلام آباد میں ہوگا جوضرورت کے مطابق ملک کے مختلف حصوں میں مزیددفاتربھی قائم کرسے گا۔
