Saturday, 13 April 2024, 01:05:10 am
چین کے صدر اور وزیراعظم کی شہبازشریف کو مبارک باد
March 03, 2024

چین کے صدر شی جن پنگ اور وزیراعظم لی کیانگ نے محمد شہبازشریف کو پاکستان کا وزیراعظم منتخب ہونے پر مبارکباد دی ہے۔

صدر شی جن پنگ نے ایک پیغام میں یقین ظاہر کیا کہ شہبازشریف کی قیادت میں پاکستان قومی ترقی اور خوشحالی کے نصب العین میں نئی اور عظیم کامیابیاں حاصل کرے گا۔

انہوں نے کہا کہ چین اور پاکستان روایتی دوستی اور مختلف شعبوں میں تعاون جاری رکھیں گے۔چین کے وزیراعظم لی کیانگ نے بھی نئے منتخب وزیراعظم شہبازشریف کو تہنیتی پیغام بھیجا ہے