وزیرخارجہ شاہ محمودقریشی نے کہاہے کہ نئے صوبے کے قیام کے لئے جنوبی پنجاب سیکرٹریٹ وزیراعظم عمران خان کے ویژن کے مطابق قائم کیاگیاتھااورکوئی اس کے اختیارات واپس نہیں لے سکتا۔ملتان میں ایک نیوزکانفرنس سے خطاب کرتے ہوئے انہوں نے کہاکہ جنوبی پنجاب سیکرٹریٹ اپناکام جاری رکھے گا اور جنوبی پنجاب صوبے کے قیام کے خلاف ہونے والی کسی بھی سازش کوناکام بنایاجائے گا۔شاہ محمودقریشی نے کہاکہ وہ آج وزیراعلیٰ پنجاب سردارعثمان بزدارکے ساتھ اختیارات واپس لینے کے نوٹیفکیشن کے معاملے پربات کریں گے۔
