پاکستان اور ایران نے انتہاپسندی کے مقابلے اور بین المذاہب ہم آہنگی کے فروغ میں تعاون میں اضافے پر اتفاق کیا ہے ۔

اس اتفاق رائے کا اظہا ر بدھ کے روز اسلام آباد میں ایران کے سفیر ڈاکٹر امیری مقدم اور وزیر مذہبی امور اور بین المذاہب ہم آہنگی کے درمیان ایک ملاقات میں کیاگیا۔

ملاقات کے دوران دہشت گردی اور فرقہ واریت کے خاتمے کیلئے مختلف تجاویز پر بھی تبادلہ خیال کیاگیا۔

چوہدری سالک حسین نے دنیا میں امن کے قیام کیلئے مذاہب اور ثقافتوں کے درمیان مکالمے کی ضرورت پر زوردیا ۔

ملاقات میں پاکستان اورایران کے درمیان معاشی ، تجارتی اور ثقافتی تعلقات میں مزید اضافے پر اتفاق کیاگیا۔

ایران کے سفیر نے چوہدری سالک حسین کو آئندہ ماہ ایران میں ہونے والی بین الاقوامی قرآن کانفرنس میں شرکت کی دعوت دی۔