فائل فوٹو

عالمی بینک نے پاکستان میں غربت کے خاتمے اور سوشل سیکورٹی کے پروگرام کی تعریف کرتے ہوئے اسے دنیا کا اہم اورمنفرد پروگرام قراردیا ہے ۔

جمعرات کے روز اسلام آباد میں وزیراعظم عمران خان سے گفتگو کرتے ہوئے جنوبی ایشیاء کیلئے عالمی بینک کے نائب صدر HARTWIG SCHAFER نے امیدظاہر کی کہ کامیاب پاکستان پروگرام بھی ایک مثالی پروگرام ثابت ہوگا ۔انہوں نے کہاکہ نہ صرف عالمی بینک بلکہ پوری دنیا پاکستان کے احساس پروگرام کو سہراہتی ہے اوراس کی مثالیں دیتی ہے ۔انہوں نے کہاکہ کورونا کے دوران حکومت کی معاشی اصلاحات اور سمارٹ لاک ڈائون جیسے اقدامات بھی قابل تعریف ہیں۔اس موقع پر وزیراعظم نے مختلف اوقات میں تعاون پرعالمی بینک کا شکریہ ادا کرتے ہوئے کہاکہ معاشرے کے غریب طبقے کو معاشی تحفظ فراہم کرنا حکومت کی اہم ترجیحات میں سے ایک ہے ۔