غزہ میں نصیرات پناہ گزین کیمپ پر اسرائیلی حملوں میں شہید ہونے والے فلسطینیوں کی تعداد بڑھ کردوسو چوہتر ہوگئی ہے۔
ایک بیان میں غزہ کی وزارت صحت نے کہا کہ حملوں میں سات سو کے قریب افراد زخمی ہوئے۔
ادھر شمالی غزہ میں اسرائیل کے ایک اور حملے میں کم سے کم چار افراد شہید ہوئے۔
گزشتہ سال سات اکتوبر سے غزہ پر جاری اسرائیلی جارحیت کے نتیجے میں سینتیس ہزار سے زائد فلسطینی شہید اور چوراسی ہزار سے زائد زخمی ہوچکے ہیں۔