اقوام متحدہ کے سیکرٹری جنرل انتونیو گتریس نے ایک بار پھر غزہ میں فوری جنگ بندی کا مطالبہ کیا ہے۔

نیویارک میں صحافیوں سے باتیں کرتے ہوئے اقوام متحدہ کے نائب ترجمان فرحان حق نے کہاکہ اقوام متحدہ کے سربراہ نے شمالی غزہ میں تیزی سے بگڑتی ہوئی صورتحال پرگہری تشویش کااظہارکیا ہے۔

انہوں نے کہا کہ شہریوں کا ہر موقع پر تحفظ کیا جانا چاہئے اور عالمی قوانین کی خلاف ورزیاں ناقابل قبول ہیں۔

ادھر سماجی رابطہ کے پلیٹ فارم ایکس پر ایک پیغام میں اقوام متحدہ کے ریلیف رابطہ آفس نے اسرائیلی حکام پر زوردیا کہ وہ شمالی غزہ میں ملبے تلے دبے شہریوں کو بچانے کیلئے فوری رسائی فراہم کرے۔