وزیراعظم عمران خان نے ایرا کو ہدایت کی ہے کہ وہ عوام کی سہولت کے لئے تعمیر نو اور بحالی کے جاری منصوبوں پر کام کی رفتار تیز کرکے انہیں جلد از جلد مکمل کر ے۔

وزیراعظم نے ہفتے کے روز اسلام آباد میں ایر ا کے جاری تعمیر نو اور ترقیاتی منصوبوں سے متعلق جائزہ اجلاس کی صدارت کررہے تھے۔وزیراعظم کو بتایا گیا کہ 2006 میں اپنے قیام کے بعد ایرا نے اب تک چودہ ہزار سات سو منصوبوں میں سے پچھہتر فیصد کومکمل کرلیا ہے جبکہ چودہ فیصد منصوبوں پر کام جاری ہے۔ جاری منصوبوں میں آٹھ سو پچاسی خیبرپختونخوا اور ایک ہزار دوسو چودہ آزاد جموں و کشمیر میں ہیں۔