اطلاعات و نشریات کے وزیر فواد حسین نے کہا ہے کہ وزیر اعظم عمران خان کی زیر قیادت پاکستان ایک طویل مدت کے بعد معاشی استحکام کی جانب بڑھ رہا ہے۔آج ایک ٹویٹ میں انہوں نے کہا کہ تمام معاشی اشاریے مثبت ہیں۔وفاقی وزیر نے کہا کہ عوام اور اداروں کے وزیر اعظم عمران خان پر مکمل اعتماد کے باعث معاشی استحکام حاصل ہوا۔انہوں نے حزب اختلاف پر زور دیا کہ وہ احتساب کو اصلاحات سے الگ رکھے اور انتخابی اور عدالتی اصلاحات کے لئے حکومت کے ساتھ بات چیت کے عمل میں شریک ہو۔

الحمداللہ پاکستان کے تمام معاشی اعشاریے مثبت ہیں،طویل عرصے بعد پاکستان معاشی استحکام کی طرف بڑھ رہا ہے،عوام اوراداروں کاوزیراعظم پر مکمل اعتماد ہےاس لئے سیاسی اور معاشی استحکام ممکن ہوا،چاہتے ہیں اپوزیشن احتساب کواصلاحات سے علیحدہ دیکھےاورانتخابی اور عدالتی اصلاحات پر بات چیت ہو

— Ch Fawad Hussain (@fawadchaudhry) June 11, 2021