پاکستان اورچین آئندہ ماہ اسلام آبادمیں ایک تحقیقی مرکزقائم کریںگے جس کامقصد ارضی سائنسز کی تحقیق اورسائنس وٹیکنالوجی کے تبادلے کو فروغ دیناہے۔یہ بات سنٹر کی تیاری کے کام کے انچارج افسرHong Tianhua نے تجارتی خدمات کے چینی عالمی میلہ دوہزارتئیس کے دوران بتائی۔انہوں نے کہاکہ یہ مرکزدونوں ملکوں کے درمیان سائنس اورٹیکنالوجی میں جدت کااعلیٰ سطح کا پلیٹ فارم ہوگا جوسائنس وٹیکنالوجی میں تعاون کوفرو غ دے گااور صلاحیتوں کو تلاش کرکے اُن کی حوصلہ افزائی کرے گا۔مرکزچارشعبوں قدرتی آفات اوررسک مینجمنٹ، ارضیاتی ڈھانچے اورٹیک ٹونک سرگرمیوں، موسمیاتی تبدیلی اورماحولیاتی اثرات اوروسائل، ماحول اورسرسبزترقی میں مشترکہ تحقیق کرے گا۔
