قومی ورثہ اور ثقافت کے وزیر سید جمال شاہ نے قومی عجائب گھر کی بحالی اور اسے توسیع دینے کا اعلان کیا ہے تاکہ سیاحوں کو راغب کرنے کیلئے اسے عالمی سطح کے عجائب گھر میں ڈھالا جاسکے۔

انہوں نے یہ بات کراچی میں قومی عجائب گھر اور نیشنل ارکیالوجی لائبریری کے دورے کے موقع پر کہی۔

جمال شاہ نے کہا کہ جلد تعمیراتی ماہرین کے ساتھ ایک اجلاس منعقد کیا جائیگا تاکہ عجائب گھر کواس کی اصل حال پربحال کیا جاسکے۔

ادھر وفاقی وزیر نے اکادمی ادبیات اور اردو ڈکشنری بورڈ کا دورہ بھی کیا اور دونوں اداروں کے مختلف حصوں کا معائنہ کیا۔

اس موقع پر وفاقی وزیر نے اردو ڈکشنری بورڈ کے تمام مسائل حل کرنے کی یقین دہانی کروائی ہے۔