بحری امور کے وفاقی وزیر قیصر احمد شیخ نے کہا ہے کہ وفاقی حکومت نے شپ بریکنگ کی صنعت کو جدید بنانے کیلئے بارہ ارب روپے کی منظوری دی ہے۔
ضلع حب میں گذانی کے دورے کے موقع پر وفاقی وزیر نے کہا کہ اس منصوبے میں ویسٹ مینجمنٹ پلانٹ، تیس بستروں کا ہسپتال، سڑکیں اور فائر بریگیڈ سٹیشن شامل ہیں۔
قیصر احمد شیخ نے کہا کہ ہانگ کانگ کنونشن کے تحت شپ بریکنگ کی صنعت کو جدید بنانے کا عمل آئندہ سال جون تک مکمل کرلیا جائیگا۔
انہوں نے انڈسٹریل ویسٹ مینجمنٹ پلانٹ کا بھی سنگ بنیاد رکھا۔
وفاقی وزیر کو گڈانی میں شپ بریکنگ کے حوالے سے صنعتی سرگرمیوں کے بارے میں بھی بریفنگ دی گئی۔