پنجاب کے گورنر سردار سلیم حیدر نے کہا ہے کہ ملک کی ترقی کیلئے بد عنوانی کا خاتمہ اور قانون کی بالادستی ناگزیر ہے۔
وہ قومی احتساب بیورو کے ڈپٹی چیئرمین سہیل ناصر سے باتیں کررہے تھے جنہوں نے آج (منگل) لاہور میں ان سے ملاقات کی۔ گورنر نے چیئرمین کے مثبت اقدامات کی تعریف کی اور انہیں بھرپور تعاون کا یقین دلایا۔ انہوں نے چیئرمین نیب کی نگرانی میں ادارے میں اصلاحات کو بھی سراہا۔ ڈپٹی چیئرمین نیب نے گورنر کو احتساب سہولت سیل سے متعلق تفصیلی بریفنگ دی۔
