پنجاب کی وزیراعلیٰ مریم نواز نے کہا ہے کہ پنجاب حکومت ماحولیات کے تحفظ کیلئے ہرممکن اقدام کرے گی۔

اوزون کے تحفظ کے عالمی دن کے موقع پر اپنے پیغام میں انہوں نے کہا کہ صوبائی کابینہ ماحولیاتی تحفظ کیلئے پہلی مرتبہ پیش کئے جانے والے جامع موسمیاتی تحفظ کے پنجاب کے وژن اور لائحہ عمل 2024 کی منظوری دے چکی ہے۔انہوں نے کہا کہ یہ لائحہ عمل ان سیلاب سے بچائو کے انتظام، ماحولیاتی ڈھانچے کے تحفظ، تحفظ ِ خوراک، اور گرمی کی لہروں سے بچائو کیلئے ہے۔انہوں نے کہا کہ سولر پینل پروگرام شروع کیا جا رہا ہے تاکہ ماحولیاتی تحفظ اور سستی بجلی کی پیداوار کو یقینی بنایا جا سکے۔