پاکستان پیپلزپارٹی کے چیئرمین بلاول بھٹو زرداری نے ملک میں قانون اور آئین کے تقدس کی بالا دستی میں وکلاء کے کردار کو سراہا ہے ۔
آج (جمعرات کو )اسلام آباد میں پیپلزلائرز فورم سے خطاب کرتے ہوئے انہوں نے کہاکہ وکلاء آمرانہ ادوار میں آئین کی بحالی کی تحریکوں میں ہمیشہ عوام اور جمہوری قوتوں کے ساتھ کھڑے ہوئے ہیں۔
حالیہ مجوزہ عدالتی اصلاحات پرگفتگو کرتے ہوئے بلاول بھٹو زرداری نے کہا علیحدہ آئینی عدالت کے قیام سے سپریم کورٹ کے زیرالتواء مقدمات تیزی سے نمٹانے میں مدد ملے گی جس سے دیگر امور میں انصاف کی بروقت فراہمی پرزیادہ بہتر انداز میں توجہ دی جاسکے گی۔
