اقوام متحدہ سے منسلک گلوبل الائنس آف نیشنل ہیومن رائٹس انسٹی ٹیوشنز نے اپنی درجہ بندی میں پاکستان کے انسانی حقوق کے قومی کمیشن A درجہ دینے کا اعلان کیا ہے۔پہلے ہی مرحلے میں یہ درجہ حاصل کرنے کے نہایت کم امکانات کے باوجود پاکستان کے انسانی حقوق کے قومی کمیشن نے پہلی کوشش میں ہی یہ کامیابی حاصل کی اورپاکستان واحد ملک ہے جس نے رواں سال Aدرجہ حاصل کیا۔یہ درجہ حاصل کرنے کے بعد پاکستان انسانی حقوق کونسل سمیت اقوام متحدہ کے دیگر اداروں میں تاریخی طور پر پہلی مرتبہ کوئی نشست حاصل کرسکے گا۔انسانی حقوق کی قومی کمیشن کی چیئرپرسن رابیعہ جویریہ آغا نے کہا کہ پاکستانی ادارے کی یہ کامیابی قابل فخر ہے اور ہم اس کے لئے اپنے ارکان اور ٹیم سمیت اقوام متحدہ کے ترقیاتی ادارے اور دیگر عالمی شراکت داروں کے تعاون کے مشکور ہیں۔