امریکہ نے کہا ہے کہ وہ پاکستان اور بھارت کے درمیان براہ راست بات چیت کی حمایت کرتا ہے تاہم دونوں ملکوں کو خود بات چیت کے طریقہ کار پر کام کرنا چاہئے۔
یہ بات امریکی محکمہ خارجہ کے ترجمان میتھیوملر نے روزانہ کی نیوزبریفنگ میں ایک پاکستانی صحافی کے سوال کے جواب میں کہی۔
میتھیوملر نے کہا کہ امریکہ پاکستان کے ساتھ علاقائی سلامتی کے خطرات سے نمٹنے کے مشترکہ مقصد کے تحت کام کررہا ہے۔
میتھیو ملر نے کہا کہ ہم انسداد دہشتگردی کے حوالے سے سالانہ مذاکرات اور دوسری دوطرفہ مشاورت سمیت پاکستانی رہنمائوں کے ساتھ علاقائی سلامتی پر بات چیت جاری رکھیں گے۔