چین میں پاکستان کے سفیر خلیل ہاشمی نے چینی شراکت داروں کے ساتھ مل کر زرعی پیداوار میں اضافے کے پاکستان کے عزم کا اعادہ کیا ہے۔وہ چین کی SHIUGUANG کاؤنٹی میں انٹرنیشنل ویجیٹیبل سائنس اینڈ ٹیکنالوجی کی پچیسویں نمائش کی افتتاحی تقریب سے خطاب کر رہے تھے۔پاکستانی سفیر نے خصوصا زراعت کے شعبے میں پاکستان اور چین کی دیرینہ شراکت داری کا ذکر کیا اور اسے دوطرفہ تعلقات کا بنیادی ستون قرار دیا۔انہوں نے زرعی تجارت اور ٹیکنالوجی میں مفید باہمی شراکت داری کے لئے سازگار پالیسیوں اور مؤثر لائحہ عمل کی ضرورت پر زور دیا۔سفیر نے تمام متعلقہ فریقوں ماہرین تاجروں اور سرمایہ کاروں کو دعوت دی کہ وہ پاکستان کے زرعی شعبے میں موجود امکانات سے فائدہ اٹھائیں۔خلیل ہاشمی نے نمائش میں پاکستانی پویلین کا بھی دورہ کیا۔