پنجاب کی وزیراعلیٰ مریم نوازشریف نے آج لاہور میں ایک اجلاس کی صدارت کی جس میں صوبے کے اندر صحت عامہ کے منصوبوں پر ہونے والی پیشرفت کا جائزہ لیا گیا۔
اجلاس میں فیصلہ کیاگیا کہ نگرانی کے عمل میں بہتری کو یقینی بنانے کیلئے نگرانی ، اطلاعات اور جائزے کا الگ شعبہ قائم کیا جائے گا۔
اجلاس میں مریضوں کی دیکھ بھال اور باہمی رابطے کو بہتر بنانے کے لئے بنیادی اور ثانوی صحت کا جامع ڈیجیٹل ریفرل سسٹم متعارف کرانے کی بھی منظوری دی گئی۔
موبائل کلینکس پروگرام کیلئے جدید گاڑیوں کی خریداری کی منظوری دی گئی ۔توقع ہے کہ مئی کے آخر تک ان کلینک کی تعداد پانچ سو چوالیس ہوجائے گی۔
