صدر ڈاکٹر عارف علوی نے اعزازات پاکستان لانے اور مختلف معزوری کے شکار افراد کی صلاحیتوں کو عالمی سطح پراجاگر کرنے پر پاکستان کی بصارت سے محروم افراد کی کرکٹ ٹیم کی تعریف کی ہے۔
وہ بصارت سے محروم افراد کی کرکٹ ٹیم کے ارکان سے باتیں کررہے تھے جنہوں نے آج ایوان صدر میں ان سے ملاقات کی۔
صدر نے کہا کہ ٹورنامنٹس میں ان کی شرکت سے بصارت سے محروم کرکٹ کے دوسرے کھلاڑیوں کی حوصلہ افزائی بھی ہوئی۔
انہوں نے کہا کہ حالیہ سالوں کے دوران بصارت سے محروم افراد کی کرکٹ نے پاکستان میں خصوصی توجہ اور پہچان حاصل کی۔صدر نے ٹیم کی کوششوں اور کامیابیوں کو اجاگر کرنے کیلئے کرکٹرز کے متاثرکن کردار کے اعتراف پر بھی زور دیا۔
