منصوبہ بندی اور ترقی کے وزیر احسن اقبال نے کہا ہے کہ حکومت ملک بھر میں کھیلوں کی سرگرمیوں کے فروغ کے لئے تمام دستیاب وسائل بروئے کار لائے گی۔
انہوں نے اتوار کے روز نارووال کرکٹ سٹیڈیم میں کرکٹ میچ کے بعد میڈیا سے گفتگو کرتے ہوئے کہاکہ وزیراعظم شہباز شریف کی ہدایت پر ملک بھر میں دوسو پچاس سپورٹس سٹیڈیم تعمیر کئے جائیں گے۔
وفاقی وزیر نے اس بات پر افسوس کا اظہار کیا کہ ان کیخلاف پی ٹی آئی کے سابق دور میں نارروال میں سٹیڈیم کی تعمیر کا مقدمہ درج کیا گیا۔