اقوام متحدہ کے امن دستوں کا آج عالمی دن منایا جارہا ہے جس کا مقصد عالمی امن کے لئے ان دستوں کے کردار کو اجاگر کرنا ہے۔ اس سال دن کا موضوع ہے ''بہتر مستقبل کیلئے مشترکہ کوششیں'' اقوام متحدہ کے امن دستوں میں شمولیت کے ذریعے پاکستانی امن فوجی دستے عالمی ادارے کے مشنوں کو مہارت اور لگن کے ساتھ مکمل کرنے میں اہم کردار ادا کر رہے ہیں۔اقوام متحدہ کے امن مشنوں کے دوران ستائیس افسروں سمیت ایک سو اکہتر پاکستانی فوجیوں نے عالمی امن کی بحالی کے لئے اپنی جانیں قربان کیں۔