اسلامی تعاون تنظیم کی سائنسی اور تکنیکی تعاون سے متعلق قائمہ کمیٹی کے زیراہتمام جمعہ کو اعلیٰ سطح کے ویبینار کا انعقاد کیا جائے گا۔

اس ویبینار میں تعلیمی شعبے کو درپیش مسائل پرغوروخوض کیلئے دنیا بھر سے ممتازماہرین تعلیم، پالیسی ساز اور ترقیاتی شعبے سے وابستہ نمائندگان شرکت کریں گے۔

تقریب میں سائنس، ٹیکنالوجی، انجینئرنگ اور ریاضی کے شعبوں میں خواتین اور لڑکیوں کی مسلسل کم ہوتی ہوئی نمائندگی پرتوجہ مرکوز کی جائے گی۔