Sunday, 21 July 2024, 08:48:39 pm
صوبائی حکومت نے عوام دوست بجٹ پیش کیا ہے،مریم اورنگزیب
June 14, 2024

پنجاب کی سینئر وزیر مریم اورنگزیب نے کہا ہے کہ صوبائی حکومت نے عوام دوست بجٹ پیش کیا ہے۔

لاہور میں پوسٹ بجٹ کانفرنس سے خطاب کرتے ہوئے انہوں نے کہا کہ اس بجٹ میں تعلیم اور صحت کے شعبوں کو ترجیح دی گئی ہے۔

انہوں نے کہا کہ کوئی نیا ٹیکس نہیں لگایا گیا۔انہوں نے واضح کیا کہ خوشحال کسان صوبائی حکومت کی ترجیح ہے۔صوبائی وزیر نے کہا کہ زراعت کے اوزار کے لئے چھبیس ارب، کسان کارڈ منصوبہ کے لئے دس ارب اور وزیراعلیٰ گرین ٹریکٹر پروگرام کے لئے تیس ارب روپے مختص کر دیئے ہیں۔