سینیٹ کے چیئرمین سید یوسف رضا گیلانی نے آئین کی دفعہ175 اے کے تحت خصوصی پارلیمانی کمیٹی کی تشکیل کیلئے نام قومی اسمبلی کے سپیکر سردار ایاز صادق کو بھیج دیے ہیں۔
چیئرمین سینیٹ نے آج جاری ایک مراسلے میں مختلف پارلیمانی جماعتوں کے چار سینیٹرز نامزد کئے ہیں۔
ان میں پیپلز پارٹی کے سینیٹر فاروق ایچ نائیک، مسلم لیگ نون کے سینیٹر اعظم نذیر تارڑ، پاکستان تحریک انصاف کے سینیٹر سید علی ظفر اور جمعیت علمائے اسلام پاکستان کے سینیٹر کامران مرتضیٰ شامل ہیں۔