پاکستان نے ترقی پذیر ممالک کو سائنسی معلومات آلات اور سازوسامان کی فراہمی سمیت ٹیکنالوجی کی منتقلی تک مساوی اور منصفانہ رسائی کی راہ میں حائل رکاوٹیں دور کرنے پر زور دیا۔اقوام متحدہ کی سلامتی کونسل کے ایک اجلاس میں خطاب کرتے ہوئے اقوام متحدہ میں پاکستان کے نائب مستقل نمائندے عثمان جدون نے امن و سلامتی کے فروغ کے لئے سائنسی ترقی کے اہم کردار پر زور دیا۔عثمان جدون نے ایٹمی ٹیکنالوجی خلائی تحقیق اور بائیو ٹیکنالوجی کے شعبوں میں پاکستان کی نمایاں پیش رفت کو اجاگر کیا۔ انہوں نے ترقی و استحکام کے لئے سائنسی ایجادات سے فائدہ اٹھانے کے پاکستان کے عزم کا اعادہ کیا۔
