ممتاز پاکستانی موسیقار اے حمید کی تینتیسویں برسی آج منائی جارہی ہے۔

وہ انیس سو چوبیس میں امرتسر میں پیدا ہوئے۔

انہوں نے اپنے فنی سفر کا آغاز پیانو نواز کے طور پر کیا۔ بعد میں انہوں نے پاکستان ہجرت کی اور کئی مشہور فلموں کی موسیقی ترتیب دی جن میں انجام سہیلی بھروسہ اور کئی دیگر فلمیں شامل ہیں۔

سہیلی اور اولاد کی فلموں کیلئے ترتیب دی گئی موسیقی سے اُن کو شہرت ملی۔

انیس سو اکہتر میں فلم دوستی کے بہترین موسیقار کے طور پر انہیں نگار ایوارڈ سے نوازا گیا۔

اے حمید انیس سو اکیانوے میں آج ہی کے دن راولپنڈی میں انتقال کرگئے تھے۔