پاکستان پیپلز پارٹی کے چیئرمین بلاول بھٹوزرداری نے کابینہ سے چھبیسویں آئینی ترمیم کا پیکیج منظور ہونے پر قوم کو مبارکباد دی ہے۔

 پارلیمنٹ ہائوس میں صحافیوں سے گفتگو کرتے ہوئے انہوں نے کہا کہ پی پی پی میثاق جمہوریت میں آئینی اصلاحات سے متعلق کئے گئے وعدے پورے کررہی ہے۔

 انہوں نے کہا کہ آج کا دن ان کے لئے سیاسی اور ذاتی طور پر یاد گار دن ہے کہ وہ اپنی والدہ کے نامکمل مشن میں سے ایک کی تکمیل کررہے ہیں۔

 بلاول بھٹو نے کہا کہ بل میں کوئی بھی نکات قابل اعتراض یا متنازعہ نہیں ہیں۔