سندھ کے گورنر کامران خان ٹیسوری نے کہا ہے کہ رمضان المبارک کے مقدس مہینے میں عوام کو ریلیف فراہم کرنے کیلئے ذخیرہ اندوزوں اور منافع خوروں کے خلاف سخت کارروائی کی جائے گی۔
انہوں نے کراچی میں صحافیوں سے گفتگو کرتے ہوئے متعلقہ افسروں کو بازاروں کا دورہ کرنے اور حکومت کے مقرر کردہ نرخوں پر اشیائے ضروریہ کی فراہمی یقینی بنانے کی ہدایت کی۔
انہوں نے ذرائع ابلاغ پر زور دیا کہ وہ رمضان بازاروں اور بچت بازاروں میں زائد قیمت وصول کرنے والوں کو بے نقاب کریں اور عوام حکومت کے مقرر کردہ اشیائے ضروریہ کے نرخوں کی خلاف ورزی کرنے والوں کا بائیکاٹ کریں۔
