وزیر تعلیم گلگت بلتستان راجہ محمد اعظم خان نے کہا ہے کہ صوبے میں قدرتی آفات سے متاثرہ سکولوں کو ترجیحی بنیادوں پر دوبارہ تعمیر کیا جائے گا۔
یہ بات انہوں نے ہنزہ کے مختلف تعلیمی اداروں کے سرکاری دورے کے موقع پر میڈیا سے گفتگو کرتے ہوئے کہی۔
راجہ اعظم خان نے کہا کہ محکمہ تعلیم میں جاری ترقیاتی منصوبوں کو رواں سال جون کے آخر تک مکمل کرنے پر خصوصی توجہ دی جا رہی ہے۔
انہوں نے سکولوں کا معائنہ کیا، سکول مینجمنٹ کمیٹیوں اور اساتذہ سے ملاقات کی۔
اس موقع پر انہوں نے اساتذہ کو درپیش مسائل کو ترجیحی بنیادوں پر حل کرنے کی یقین دہانی کرائی۔