کل جماعتی حریت کانفرنس نے بی جے پی اور آر ایس ایس کے ہندوتوا ایجنڈے پر شدید تشویش کا اظہار کیا ہے جس کا مقصد کشمیریوں کی شناخت اور حق خودارادیت کیلئے ان کی جدوجہد کو نقصان پہنچانا ہے ۔
کل جماعتی حریت کانفرنس کے ترجمان عبدالرشید منہاس نے ایک بیان میں کہا کہ مودی کی زیر قیادت حکومت خطے کے آبادیاتی تشخص کو تبدیل کرنے کی پالیسیوں پر عمل پیرا ہے۔
کل جماعتی حریت کانفرنس نے بی جے پی حکومت کی طرف سے غیر مقامی لوگوں کی آباد کاری، حریت رہنماؤں کی غیر قانونی نظربندی اور دیگر اقدامات کی بھی مذمت کی۔
