Saturday, 13 April 2024, 02:17:53 am
دو ماہ کےدوران آئی ٹی برآمدات میں32فیصد اضافہ ریکارڈ
February 13, 2024

انفارمیشن ٹیکنالوجی اور ٹیلی مواصلات کے نگران وزیر ڈاکٹر عمر سیف نے کہا ہے کہ گزشتہ ساٹھ روز میں ملکی انفارمیشن ٹیکنالوجی برآمدات میں 32 فیصد اضافہ ریکارڈ کیا گیا ہے۔

انہوں نے یہ بات آج اسلام آباد میں انفارمیشن ٹیکنالوجی برآمدات میں شاندار کارکردگی کے حوالے سے تقسیم انعامات کی تقریب میں کہی۔

تقریب میں ملک بھر سے 550 انفارمیشن ٹیکنالوجی کمپنیوں کو اعزازات اور لاکھوں روپے مالیت کے نقد انعامات دیئے گئے۔

وفاقی وزیر نے کہا کہ انفارمیشن ٹیکنالوجی کی صنعت ملکی معاشی استحکام میں کلیدی کردار ادا کرنے پر سہولیات اور مراعات کی مستحق ہے۔انہوں نے کہا کہ پاکستانی آئی ٹی ماہرین ڈیجیٹل خدمات کے ذریعے ملک کیلئے خطیر غیرملکی زرمبادلہ کما رہے ہیں۔