چین کے صدر شی جن پنگ آج ماسکو پہنچے۔ان کا کہنا ہے کہ گزشتہ سال یوکرین کا تنازعہ شروع ہونے کے بعد یہ ان کا روس کا پہلا سرکاری دورہ ہے۔چینی صدر نے ماسکو کے ہوائی اڈے پر کہا مجھے یقین ہے کہ یہ دورہ نتیجہ خیر ثابت ہوگا اور اس سے چین اور روس کے تعلقات کو صحت مند اور مستحکم انداز میں فروغ دینے میں مدد ملے گی۔انہوں نے کہا کہ نازک صورتحال اور تبدیلیوں کی اس دنیا میں چین روس کے ساتھ ملکر بین الاقوامی نظام کے تحفظ کیلئے کوششیں کریگا جن میں اقوام متحدہ کو مرکزی حیثیت حاصل ہوگی۔